90 yaşlı nənəm Zelda vəfat etmədən öncə içində mənə faydalı ola biləcək şeylər olan bir qutu verdi. Bunların arasında "İlham jurnalı” adlandırdığı köhnə dəri üzlü bir jurnal da var idi. 

O, ömrünün ikinci yarısından etibarən öz  ideyalarını, düşüncələrini, sitatlarını, mahnıların mətnini, ürək sözlərini və onu ilhamlandıran nə varsa hamısını bu jurnala yazırdı. Mən bir az böyüdükdən sonra tez-tez bu jurnaldan mənə nələrsə oxuyurdu, qulaq asır, ona suallar verirdim. İndi isə səmimi qəlbdən inanıram ki, hazırkı halım nənəmin uşaqkən mənə ötürdüyü müdriklik sayəsindədir.

Bu gün mən sizinlə bu ilhamverici yazılardan bir qismini bölüşmək istəyirəm. Bu 12 bəndlik mətni toparlayıb, qaydaya salıb redaktə etmək üçün əlimdən gələni etdim. Zövq alın!

 

Harada olduğunuzun və nələrdən keçdiyinizin bir fərqi yoxdu. Əsas hər zaman tunelin sonunda işıq olduğuna inanın. Heç vaxt gözləməyin, güman etməyin və tələb etməyin. Sadəcə nəyi bacarırsızsa onu edin, qalanı necə olacaqsa olacaq. Çünki siz bacardığınızı edən kimi artıq olması gərəkənlər olacaq və ya siz atmalı olduğunuz növbəti addımı görəcəksiniz.

Sadəcə diqqətinizi yalnız bir şeyə verin. Hər şeyi birdən etməməlisiz və hər şeyi bu anda edə bilməzsiz. Nəfəs alın, yaşayın və qarşınızda duran işi edin. Həyata nə versəz bir müddət sonra onu sizə qaytaracaq. 

 

Səsiniz titrəsə də, həqiqəti söyləyin. Özünüz olsanız, hələ dünyada gözəllik olmayan bir yerə gözəllik gətirəcəksiniz. Öz cığırınızla inamla irəliləyin və başqalarından xüsusən də hara getdiyinizi bilməyənlərdən yolunuzu başa düşməsini gözləməyin.

İndiki hala gəlmək üçün çoxsaylı eniş-yoxuşlardan keçmisiniz. Bu illər ərzində baxışlarınızı dəyişdirən, sizə dərs verən və ruhən sizi gücləndirən bir çox şey baş verdi. Zaman keçir və heç kim durduğu yerdə qalmır, amma bəzi insanlar yenə də dəyişdiyinizi söyləyəcəklər. Onlara belə cavab verin: "Əlbəttə, mən dəyişdim. Həyatda həmişə belə olur. Ancaq mən yenə də həmin insanam, sadəcə əvvəlkindən bir az daha güclüyəm”.

Vəziyyətlər hər zaman sizi istiqamətləndirəcək, dəyişdirəcək və inkişafınıza kömək edəcəkdir. Buna görə də nə baş verirsə versin, ümidinizi itirmədən irəli davam edin. Ən incə ip, ən güclü ipə çevriləcəkdir. İmkan verin, ümid sizin lövbərinizə çevrilsin, inanın ki, hekayənizin hələ sonu deyil və çəkilmə qabarmayla (axmayla) əvəz olunacaq, hansı ki, yekunda sizi sakit sahillərə aparacaq.

Yaşlandıqca əşyaların qiymətini deyil, dəyərini görəcəksiniz. Sonda başa düşəcəksiniz ki, ən yaxşı günlər heç bir fövqəladə səbəb olmadan gülümsədiyiniz günlərdir. Anları qiymətləndirin və onlar üçün minnətdar olun, başqa heç bir şey axtarmayın. Xoşbəxtliyin özü budur.

 

Əziyyətlərinizin və uğursuzluğunuzun çoxunun vəziyyətlərə görə deyil, onlara münasibətinizlə əlaqəli olduğunu başa düşün. Sizə həsəd aparan və zərər verməyə çalışanlara gülümsəyin. Onlara həyatlarında əskik olan və heç vaxt sizdən ala bilməyəcəyi şeyləri göstərin.

8. Sizin üçün əziz olanlara qarşı diqqətli olun. 

Bəzən sevdiyiniz birisi "yaxşıyam" dedikdə, onun gözlərinə baxmaq gərəkdi, bərk-bərk qucaqlayıb "mən axı bilirəm elə deyil" demək lazımdır. Və bəzi insanların sizi yalnız ehtiyac duyduqları zaman xatırladıqlarını düşünürsüzsə, üzülməyin. Başqa insanların zülmətlə əhatə olunan həyatında siz bir işıq mayakı olduğunuz üçün məmnunluq duyun. 

Çünki onun həyatında əsas şey sizin ona etdikləriniz deyil, uğur qazanmaq üçün etməli olduqlarını öyrətdiyiniz şeydir.

 

Bu, sizi dəstəkləyənlərə yer açacaqdır. Bu sizin böyüdüyünüz müddətdə qeyri-iradi baş verir. Kim olduğunuzu və nə istədiyinizi bildikdə, tanıdığınız insanların siz baxdığınız şeylərə heç də həmişə sizin kimi baxmadığını başa düşməyə başlayacaqsınız. Beləliklə, gözəl xatirələrinizi saxlaya və özünüzü irəliyə doğru apara biləcəksiz. 

 

Nəticədə insanlar zatən hər durumda sizi mühakimə edəcəklər. Buna görə də bütün həyatınızı başqalarına təsir etməyə çalışaraq yaşamaq lazım deyil. Özünüzə təsir etmək üçün yaşayın. Başqalarına görə səviyyənizi aşağı salmayacaq qədər özünüzü sevin.

Özünüzə kənardan baxın və zaman-zaman səhv etmək hüququnuzun olduğu gerçəyini qəbul edin. Öyrənməyin yeganə yolu budur. Güclü insanlar problemlərə səmimi bir gülüşlə gülər. Onlar bu bacarığı ağır mübarizədə qazanıblar. Heç bir şeyin onları aşağı dartmasına imkan verməyəcəklərini bildikləri üçün gülümsəyir və yeni bir başlanğıca doğru irəliləyirlər.