Çoxdan yazmaq istədiyiniz, amma hər dəfə təxirə saldığınız bir dostunuza yazın və ya zəng edin, onunla əlaqələri bərpa edin. İmkan olsa görüşüb, bir çay için.

Evdəki artıq əşyaları onlayn satışa çıxarın, sata bilmədiklərinizi bağışlayın və ya ehtiyacı olanlara verin, bununla həm xeyir iş etmiş olar, həm də evdə yer azad etmiş olarsınız.

Hər ehtimala qarşı CV-ni yeniləyin, 2019-cu ildə əldə etdiyiniz nailiyyətləri, uğurlu proyektləri CV-yə qeyd edin. Gələn ildə yarana biləcək fərqli fürsətləri dəyərləndirmək üçün CV-nin yenilənmiş olması sizə sürətli hərəkət etmə imkanı verəcək.

Maşınınızda (əgər varsa) mühərrikinin yağını dəyişin.  Avtomobilin saz olması hər zaman aktualdır, amma yeni il qabağı qaçaqaçda yolda qalmaq və ya tətillərdə usta axtarışında olmaq istəməzsiniz.  

Məsələn yanmış lampaları dəyişdirin, pəncərələri silin. Nasazlığı olan mebel və məişət avadanlığını düzəldin.  Yeni il motivli – rəngarəng süfrələr salın, yeni dibçəklər alın, qurumuş gülləri dəyişin.

Bəli, hər kəsin evində dost-tanışdan oxumaq üçün borc alıb, hələ də qaytarmadığı, bəlkə də oxumadığı kitablar var. Onları bitirib, geri vermək vaxtıdır. İlin əvvəlində oxunacaq kitablar siyahısı olubsa, onu da gözdən keçirin. Siyahıda hələ başlamadığınız kitablar çoxdurmu?

Borclarınızı verin, yeni ilə borc yükü ilə getməyin. Əgər belə bir imkan varsa, kreditlərinizi də bağlayın. Bir çox banklarda aylıq ödənişlər ayın 1-10 tarixləri arasına düşür. Həmin zaman tətildə olacaqsınızsa, və ya banklar işləməyəcəksə ödənişdə gecikmə yarana bilər. Bayram tətilinə getmədən öncə bu nüansları bankınızla danışın.

Xüsusən də dayanmadan işləmisinizsə, dincəlməyə il ərzində vaxtınız olmayıbsa, ilin sonuna az qalmış, hələ bayramlardan da öncə kiçik bir tətilə gedin, telefonu söndürüb, ətraf aləmdən təcrid edin özünüzü, Qafqaz ya da Talış dağları tərəfdə, az büdcəli bir istirahət təşkil edin özünüzə.

 

Başlanğıclar üçün mütləq yanvarı və ya yeni ili gözləməyə gərək yoxdur, siz yeni – idman, rəqs, üzgüçülük, pəhriz, rəsm, xarici dil və s. kimi dərslərə və yiyələnmək istədiyiniz vərdişlərə indidən start verin ki, artıq yeni ildə həmin rutin sizin üçün tam oturuşmuş olsun.

Kimlərə və nə hədiyyə almalısınız. Bir siyahı tərtib edin, hədiyyə alacağınız insanları müəyyən edin, onların gizli arzuları və ya ən çox ehtiyac duyduğu bir şeyi müəyyən edin. Məsələn hər zaman yağışda islanan birinə çətir və ya yağış keçirməyən plaş ala bilərsiniz.

 

İl ərzində sizə verilmiş, sadəcə ilin sonuna qədər qüvvədə olan kupon və bonuslardan yararlanın.

Yeni il süfrəsi üçün nə hazırlayacaqsınız? Buna qərar vermədən öncə soyuducuya və əldə olan ərzaqlara nəzər salın, qərarınızı ona görə verin ki, əlavə xərcə düşməyəsiniz. Almalı oduqlarınızın siyahısını tutun.

 

Bütün bu detallar sizi bayram öncəsi əlavə stressdən xilas edəcək. Bayram günlərini isə sadəcə yeni il möcüzələrinə həsr edin.