Yarım saat keçdikdən sonra direktorumuz məni yanına çağırdı. Müəllimlər otağında nə etdiyimi soruşdu. İmtahan vərəqlərini oxuduğumu söyləyəndə direktor "Bir bəy sənə yaxınlaşıb, ona nə demisən?” soruşdu. Müəllimlik təhsilimi yeni bitirib məzun olmuşdum. İdealist bir xarakterim var idi. Gəncliyin verdiyi cəsarətlə hirsli bir şəkildə sual verdim: "O bəy məndən sizə şikayət edib”? Direktor onun təhsil müfəttişi olduğunu və yoxlamaya gəldiyini dedi. Sonra isə əlavə etdi: "O, mənə dedi ki, direktor, sizi yoxlamağıma ehtiyac yoxdur, çünki sizin çox ağıllı müəllimələriniz var. O müəlliməyə təşəkkürlərimi çatdırın”.