Epidemioloji vəziyyətdə hər kəs fərqli yaşamalı və işləməli oldu. Bu gün dəyişikliklərdən təsirlənməyən insan qalmayıb. Hər birimiz adi həyat ritmini qorumaq üçün hadisələri nəzarətdə saxlamağa məcburuq.

İndiki şəraitdə məktəbliləri yeni sistemə uyğunlaşdırmaq yeni təhsil sistemi deməkdi. Distant təhsil təkcə texniki baxımdan deyil, həm də pedaqoji və psixoloji baxımdan təhsilin yenidən qurulmasını tələb edir. Müəllimlər, tələbələr, valideynlər - təhsil prosesinin bütün iştirakçıları, hətta uzaq olanlar da psixoloji dəstəyə ehtiyac duyurlar. Fiziki vəziyyətinizə qayğı göstərməklə yanaşı, psixoloji sağlamlığa da diqqət yetirmək vacibdir.

Bu günlərdə bölgələrimiz də daxil olmaqla ölkəmizin sakinləri ixtisaslı psixoloji yardıma ehtiyac duyurlar. Bir çoxları televiziya ekranlarından, İnternetdən, qohumlarından, dost - tanışlarından gələn mənfi məlumat axınının öhdəsindən gələ bilmir. Valideynlərə yeni şəraitə uyğunlaşmaq üçün əvvəllər heç olmadığı kimi bir müəllim-psixoloq köməyi lazımdır. Ehtiyacı olanlara psixoloji yardım göstərmək gərəkdi.

Panika yalnız fərqli insanların qorxusu deyil. Əsas xüsusiyyəti sürətli infeksiyadır. Belə bir həddə gərəksiz informasiyalar virus kimi yayılır, hədsiz dərəcədə böyüyür və kütləvi davranış pozğunluqlarına səbəb olur. Dəhşətli və yalnış məlumatlar xəstəliyin özündən daha sürətli yayılır. Koronavirus, planetin hər sakininin dilində və düşüncəsində olduğu bir sözdür. Bütün dünyanı bürüyən pandemiya nəinki adi həyat ritmimizi pozdu, qorxu və çaxnaşmayasəbəb oldu. Çaxnaşma, gücsüzlük və baş verənlərə təsir edə bilməmək hissi ilə müşayiət olunan dəhşətli bir narahatlıq, çarəsizlik yaratdı. Elə özü kimi bir virus. Bu isə kömək etmir; əksinə, rasional davranmağı mümkünsüz edir. Halbuki ayıq düşünmək qabiliyyəti özünüzü və yaxınlarınızı infeksiyadan qorumağı mümkün edir. Ətrafdakı məlumat fonundan əzildiyinizi, başqalarını narahat edən fikirlərin düşüncələrinizə təsirini, impulsiv "çaxnaşma" hərəkətləri etdiyinizi hiss edirsinizsə, bu tövsiyələr sizin üçündür. Özünütənzimləmə, narahatlığı aradan qaldırmaq, epidemioloji vəziyyətdə çaxnaşma ilə mübarizə üçün ilk növbədə sakitliyi qoruyub saxlamalı, ailədə təcrid vəziyyətində valideyn-övlad münasibətlərinə diqqət etməlisiniz.

Distant təhsilə psixoloji dəstək üçün müəllimlər, təhsil psixoloqları da özlərinin peşəkarlığını artıraraq və məsafədə işləmək üçün yeni bacarıqlara yiyələnərək kömək etməyə qadirdilər. Müasir internet dövründə karantində özünüzü və digər insanları təhlükəyə atmadan ünsiyyət qurmağın, işləməyin, təhsil ala bilməyin mümkünlüyü sübut olundu.

Yeni təlim şərtlərinə uyğun olaraq məsafə saxlamaqla ibtidai siniflər yeni tədris ilində həftənin ikinci və üçüncü günləri psixoloqların da iştirakilə siniflərdə dərs keçəcəklər. Qalan günlərdə evdə onlayın formada distant təhsil alacaqlar. Məktəbdəki təmaslarını nə qədər azaltmağın mümkün olacağı sual doğurur. Şəhər məktəblərinin miqyası o qədər böyükdür ki, qaydalar dəyişə bilər.

Evdə oturmaqdan bezmiş uşaqlar yenə də fəal şəkildə ünsiyyət quracaqlar. Bu vəziyyətdə onlara nəzarət çətinlik yaratsa da, uşaqların buna əsəbi şəkildə reaksiyasını, valideynləri çətin situasiyada olmasını başa düşmək üçün müəllimlərdən böyük səbr və təmkin tələb olunur. İşimizə sevgi gərəkdir.

Bu günlərdə səbrli, təmkinli olaq.

Mənsə şagird, tələbə, müəllimlərlə yanaşı bütün təhsil işçilərini "Bilik günü" münasibətilə təbrik edir, yeni dərs ilində hər birinə uğurlar diləyirəm.

Yeganə İskəndərova 

qadinkimi.com