Dünyanın müxtəlif yerlərində şagirdlər öyrənməyə davam etməyi nə qədər çox istədiklərini nümayiş etdirib. Onlar fədakar müəllim və valideynlərinin dəstəyi ilə, çətin şəraitdə öz dərslərinə davam etməyə israrla səy göstərib.

Lakin bir çox uşaqlar məktəblər açılanda təhsil proqramından geridə qalmamaq  üçün əlavə dəstəyə ehtiyac duyur.

Bir çox məktəblər şagirdlərin öyrənmə tempini bərpa etmək üçün əlavə dərslərlə bağlı planlar hazırlayır. Buraya təkrarlama və ya bərpa kursları, dərsdən sonrakı proqramlar və ya evdə yerinə yetiriləcək əlavə tapşırıqlarla tədris ilini başlamaq daxil ola bilər. Bir çox məktəblərin tam qrafiklə və ya bütün siniflər üçün açılmama ehtimalını nəzərə alaraq, məktəblər sinifdə tədrislə məsafədən təhsili (ev tapşırıqları, radio, televiziya və ya onlayn təlim) ehtiva edən "qarışıq təlim" tətbiq edə bilər [Məktəbəqədər yaşdakı uşaqlar üçün hazırladığımız "Oynayırıq və öyrənirik" onlayn veriliş silsiləsinə baxmaq üçün YouTube kanalımıza nəzər yetirə bilərsiniz].

Məktəb və məktəb tapşırıqları ilə bağlı rejim yaratmaqla, evdə uşağınıza əlavə dəstək göstərin. Əgər onlar özünü narahat hiss edirsə və diqqətlərini cəmləməkdə çətinlik çəkirsə bu, onlara kömək edə bilər.

Suallar vermək və məlumatlı qalmaq üçün müəllim və ya məktəblə əlaqə saxlamağınız faydalı ola bilər. Uşağınız xüsusi çətinliklər (məsələn, ailə üzvünün itirilməsi, yaxud pandemiya ilə əlaqədar narahatlığın artması) yaşayırsa, bunu onlara mütləq bildirin.

Övladım "məktəb rejimi"nə qayıtmaqda çətinlik çəkirsə nə etməliyəm?