Ardern, Əmək partiyasına 17 yaşında üzv olub. 1997-ci ildə İngiltərədə baş nazir seçilmiş Tony Blair və Yeni Zellandiyanın 2008-ci ildə seçilən keçmiş baş naziri Helen Clarkın komandasında işləmişdi.

Pulsuz təhsil, abort qadağasının aradan qaldırılması və uşaqlar arasında kasıbçılığın ləğv edilməsi kimi mövzularda mübarizə aparırdı. Özünü "sosial demokrat və tərəqqipərvər” adlandırırdı.

2017-ci ildə baş nazirlik yarışında tez-tez Kanadanın baş naziri Justin Trudeau və Fransa prezidenti Emanuel Macronla müqayisə edilirdi. Hər üçünün də gənc, tərəqqipərvər və iddialı tərəfləri qarşılaşdırılırdı.

Seçildiyi vaxtlarda o qədər məşhur idi ki, bəzi təhlilçilər asudə vaxtlarında Dj-lik edən Ardernin siyasi baxımdan  ciddiyyətindən şübhə etməyə başlamışdılar.

 

 

Son məscid hücumlarından sonra öz davranışı ilə Ardern ən "çətin anda belə ən düzgün qərarı verən” bir dünya lideri kimi tanındı.

Guardian yazıçısı Suzanne Moore onu belə təsvir edərdi:

Martin Luther King əsl liderin uzlaşma axtarmayıb, özlərinin uzlaşma yaratdıqlarını demişdi. Ardern də şəfqət və birləşdiriciliyi ilə yol göstərərək fərqli bir uzlaşma yaratdı.

Terror fərqlilikləri görür və onları ləğv etmək istəyir. Ardern fərqlilikləri görür, hörmətlə yanaşır və onlarla əlaqə qurur”.

Amerikanın Washington Post qəzetinin yazarlarından İshaan Tharoor isə "Ardern, xalqının kədəri, yası və qaranlığının simvolu halına gəldi” yazarkən , Avstraliyanın ABC saytında "Bir liderin qarşılaşa biləcəyi ən çətin anda Ardern heç bir səhv etmədi” kimi bir şərh yer aldı.