Cincilim

Toplayıb qida kimi ta qədim zamandan istifadə edilir.Yara-xora larda, çibanlar, sızaqların təmizlənməsində müsbət təsiri var. Cincilim suyundan mədəbağırsaq ağrılarında, sidik qovucu kimi, qəbzlikdə istifadə olunur. Qanın keyfiyyətini yaxşılaşdırır. Qaraciyərin işini tənzimləyir, ödqovucudur. Zoğlar yığılıb qurudulur toz halında istifadə edilir. Ürəkağrıları,aritmiya,zob xəstəliklərində, artrit, qıcolmalarda yaxşı vasitədir.

Şəkər xəstələrinə çox xeyirdir. Təsir spektrinin genişliyinə görə Jenşen kimi qiymətləndirilir. Yaşıl kütləni əzib maska kimi üz dərisinə çəkmək məsləhətdir. Təzə halda bişirib yemək olar. Şirələrə qatışdırıb səhər yeməyində istifadə etmək çox xeyirlidir. Əsəb sisteminin müalicəsində, streslərdə antidepressant çayı kimi içilir(dəmləyərkən stəkana qapaq qoymayın).

Dəmrovotu

Çoxillik, 50sm-1 m hündürlüyündə ot bitkisidir. Zəhərlidir. Bütün yay ərzində, may ayından başlayıb sentyabra kimi toplamaq olar.Hər yerdə bitir. Çox müalicəvi əhəmiyyəti var. Onkologiyaya qarşı müvəffəqiyyətlə istifadə etmək olar. Neyrodermit, ekzoma, popimları, xroniki hepatiti müalicə edir. Ziyilləri təmizləmək olur. Qanayan damarları(paradantoz) sağaltmaq olur. Kökü, yarpağı, çiçəkləri və toxumlarından istifadə etmək olur.

Toplayıb xırda doğramaq, kölgədə qurutmaq lazımdır.

Yaşıl kütlədən təzə sirop hazırlayıb qaraciyər və öd yollarını təmizləmək olur. Əzilmiş kütlədən bir xörək qaşığı götürüb üzərinə bir qaşıq şəkər tozu töküb bir müddətdən sonra sıxıb həmin şirəni ac qarına içmək məsləhətdir.

Üçyarpaq yonca

Bağırsaq qəbzliyi üçün çox yaxşı vasitədir. Çəhrayı rəngli çiçəkləri toplayıb qurudulur. Bir xörək qaşığına bir stəkan qaynar su töküb 20 dəq dəmləndikdən sonra yeməkdən əvvəl içmək məsləhətdir.

Dəvətikanı

Boş ərazilərdə bitər. Qaraciyərin piylənməsinin, xərçəngin qarşısını alır. Dərini təmizləyir. Qurumuş tükcüklü çiçək başlıqlarını qopardıb içərisindəki toxumları toplayırlar. Qara toxumlardan gündə 4-5 ədəd yemək lazımdır. Çay kimi dəmləyib içmək olar. Toxumlarından yağ alınır. Bu yağdan ağrıkəsici kimi də istifadə edilir.

                                                      *****

Damarları xolesterindən təmizləmək üçün zeytun yağı və kətan yağı məsləhətdir. Tərkibində omeqa-3, omeqa-6 var.

Alma turşusu alma sirkəsində boldur. Qanı duruldur, qan təzyiqini tənzimləyir.

Qırmızı çuğundur K, Ca, Zn kimi mikroelementlərlə zəngindir. İnfarktın qarşısını alır. Çiy yeyilməsi daha məsləhətlidir.

Sarımsaq və limon qarışığı da damar divarlarının xolestorol kirəclərindən təmizlənməsi üçün ən səmərəli mübarizə vasitəsidir.

Bu sadalanan vasitələr qanın tərkibinin təmizlənməsi və durulmasında, zərərli xolestorolun azalmasında effektlidir.