İran vətəndaşı olan 30 yaşlı Həsən Qolani Sayat Əli Araz çayı üzərindən Azərbaycanın işğal altında olan Dağlıq Qarabağ bölgəsinə keçərkən erməni hərbiçilər tərəfindən tutulub.

Bu barədə Ermənistan mediası məlumat yayıb. Məlumata görə, Həsən mayın 18-də Araz çayı üzərindəki körpü vasitəsilə Qarabağ ərazisinə daxil olmaq istəyərkən saxlanılıb.

Hazırda həbsdə olan Həsənin İrəvana aparılacağı və orada istintaqa təhvil veriləcəyi deyilir.

Ermənistan KİV-i Həsənin kəşfiyyatçı olmasından qorxurlar, onun xüsusi istintaq altında saxlanılmasının səbəbi də məhz bu qorxudur.

Mənbə: publika.az