BURA / ORA
SƏNƏT
BİLİM / DİN
SEVGİ
EV / ÇÖL
FEMİNİZM
UŞAQ / BÖYÜK
HÜQUQLARIMIZ
QADIN / KİŞİ
KİŞİ KİMİ
GENDER
SEKS
HƏR ŞEY / HEÇ NƏ
DƏB VƏ BAXIM
YAZI / DÜŞÜNCƏ
REDAKTOR SEÇİMİ
ÇOX OXUNANLAR
YAZI / DÜŞÜNCƏ, UŞAQ / BÖYÜK
Uşaqları qorumaq ehtiyacı varsa
Tarix : 01 İyun 2021, 00:48 Əslində insan həyat uğruna, xoşbəxtlik uğruna savaşmalı, yaşamalıdır. Xoşbəxt günləri qeyd etməliyik biz. Təntənə ilə qeyd etməliyik; Uşaqların Beynəlxalq Müdafiə gününü də.
Bu
günü qadınlarımız tarixiləşdirib. Qadınların – anaların dünyaya "müharibələrə
yox” mesajıdır. Hələ Birinci Dünya savaşından dəhşətə gələn ingilis sosial
reformçusu Eglantye Jebb (1876 – 1928) kimi. Müharibənin gətirdiyi acıları
anlayan xanım səfalətə düçar olan, aclıq çəkən Avstriya və alman uşaqlarına
yardım etmək üçün 1919 – cu ildə "Uşaqları xilas edin” (Save the Children)
fondu yaradır. 1959 – cu ildə BMT tərəfindən müəyyən redəktə, dəyişikliklərlə qəbul
olunan, 1989 – cu ildə isə Uşaq Hüquqları Konvensiyasının təkanvericilərindən olan ilk Uşaq Hüquqları Bəyannaməsinin ilkin
variantını da hələ 1925 – ci ildə E. Jebb hazırlayıb.
1 iyun 1950 – ci ildə
"Qadınların Beynəlxalq Konfransı”nda isə təkliflər səslənib və BMT-nin Baş
Assambleyası tərəfindən 1 iyunun Uşaqların Beynəlxalq Müdafiə Günü kimi qeyd
olunması qərara alınıb. Beynəlxalq gündür, bütün dövlətlər qeyd edir. Biz də
qeyd edirik. Hətta cənab İlham Əliyevin 22 dekabr 2008 – ci il tarixli
sərəncamı ilə 2009 – cu il Uşaq ili elan edilmişdi. Hər il müxtəlif maraqlı
tədbirlər hazırlanır, uşaqlara "sənin bayramındır” deyirik - nə gözəl.
Simvolik olaraq - bayram kimi qeyd etsəydik sevinərdim. Sevinclidir, amma bu
sevinc ağrılı, ağlayan sevincdi. Çünki uşaqları - dünyamızı müdafiə etməyə -
qorumağa məcburuq, ehtiyacdı artıq. Yada salmalıyıq uşaqları - yadımıza
salmalıyıq. "NİYƏ”si narahat edir. Yəqin ki, bu "niyə” savaşlara
qarşı "Durun! Dayanın!” harayıdı.
Uşaqları qorumaq kimi ehtiyacımız varsa – insanlığı qorumağa ehtiyacımız var, deməli sevgi ölür. Yəni tarix boyu çəkişmələrin, müharibələrin baş verməsini heç cür ağlım almır. Hamı həyata bir dəfə gəldiyini, necə yaşasa da öləcəyini bilir, özü də dəqiq bilir, güman yeri olmadan bilir. Nəinki ayrı-ayrı insanların, dövlətlərin də "mənəmlik iddiası”nı başa düşmürəm. Niyə döyüşürlər, niyə müxtəlif bəhanələrlə həyatı cəhənnəmə döndərirlər?
Sevgini ölməyə qoymayaq. Sevgini yaşadaq ki, uşaqların kimsədən qorunmaq ehtiyacı olmasın.
İnsan nə desən edər. Yaşadığı ortamı cəhənnəmə də döndərər, cənnətə də.
Bunun üçün sevgiyə sadiq olmalıyıq. Uşaqların Beynəlxalq Müdafiə Gününə əsil sevinc - sevgi arzulayıram. Özümüzü özümüzə xəyanətdən xilas edək. Adi rəngli şarlara yer kürəsi boyda sevinən uşaqlarımızı – həyatımızı bizdən asılı olmayan səbəblərdən qoruyaq. Uşaqlar üçün YER kürəsi elə sevindikləri, sevdikləri rəngli şardı. Onlar bu şarlar partlayanda qorxurlar, niyə partladığının elmi izahını bilməsələr də , çox dolanda partladığının şahidi olurlar. Yer kürəmizi - həyatımızı şərdən, şeytandan, haqsızlıqdan, nifrətdən – şeytanlardan qoruyaq. Qoruyaq ki, partlamasın, parçalanmasın. Bütövlüyü qoruyaq. Sevgini ölməyə qoymayaq. SEVGİYLƏ böyüyək, yaşayaq. Sevgi həmişə QALİB olsun.
Kamalə Abiyeva
