Nuri Bilge Ceylanın "Kuru otlar üstünde" filmindəki obrazına görə Kann Film Festivalında "Ən yaxşı qadın aktrisa" mükafatını qazanan Merve Dizdar Fransanın ən nüfuzlu ordenlərindən biri olan "Ədəbiyyat və İncəsənət Cəngavəri" (Chevalier de I'Ordre des Arts et des Lettres) nişanına layiq görüləcək.

Qadinkimi.com xəbər verir ki, bu mükafat 28 yanvar tarixində keçiriləcək xüsusi mərasimdə Merve Dizdara təqdim ediləcək.

Fransa bu ordeni mədəniyyət və incəsənət sahəsində yüksək nailiyyətlər əldə etmiş şəxslərə təqdim edir. Daha əvvəl bu şərəfə Ajda Pekkan, Barış Manço, Nuri Bilge Ceylan kimi məşhur simalar da layiq görülüb.

Qadinkimi.com