Sizə də elə gəlir ki, bundan sonra hamımız daha ədalətli, dava vicdanlı, mərhəmətli, xeyirxah, mehriban olacağıq? Buna inanıram, inanmaq istəyirəm. Axı indi tam oluruq, bütöv oluruq, komplekslərimizdən qurtuluruq... Axı qəhrəman oğullarımız açıq səma altında, sülh şəraitində, xoşbəxt, firəvan yaşayaq deyə gözünü qırpmadan düşmənin üstünə getdi. Yaralarımızı sağaltdı.

 

 

 

Rahat olmağın, xoşbəxt olmağın, xoşbəxt etməyin vaxtıdı.

Bunun üçün yaşamalıyıq.

Mənə elə gəlir, artıq heç bir Azərbaycan kişisi öz təsdiqini qadınını alçaltmaqda tapmayacaq, qadınlarımız daha gözəl ana olacaq, balalarımız hər baxımdan daha sağlam böyüyəcək.

Bu torpaqlarda insan olaraq aliliyimizi qoruyaraq yaşamaq mənəvi borc oldu artıq. Nəbilim, məncə, onda daha rahat uyuyacaq şəhidlərimiz. Bizim artıq bu ölkədə qardaş qanı, arvad, bacı qanı axıtmağa heç haqqımız yoxdur. Heç!