Bildiyiniz kimi ufologiyada (qalaktika və başqa planetlər haqda UNO – ləri görmüş şəxslərin verdikləri məlumatları yığıb, təsnifləşdirən, elmə məlum olmayan hallar və qeyri – adi varlıqlarla əlaqəyə girmələri haqda məlumatları toplayan tədqiqat sahəsidir – red.) 24 iyunun bədbəxt taleyi var. Ufologiyanı alimlər elm hesab etməsə də, bu sahəylə məşğul olan bir çox mütəxəssislər var. Bu mütəxəssislərdən biri Frenk Skalli həyatının bir - neçə ilini "Uçan boşqabların arxasınca” tədqiqat işinin yazılmasına sərf etmiş və qəflətən 24 iyun 1964 - cü ildə dünyasını dəyişmişdi. Növbəti itki 24 iyun 1967-ci ildə olur. Bu dəfəki "qurban” ingilis ufoloqu Riçard Çen idi. Elə həmin ilin 24 iyununda daha bir ufoloq – NUO tədqiqatçısı, jurnalist, qalaktika və yadplanetlilərdən bəhs edən neçə-neçə kitabın müəllifi olan bir qadın da ölür. 

Bu siyahını çox uzatmaq olar. Qəribədir ki, siyahı NUO sahəsində tədqiqat işləri ilə məşğul olan və ya bu sahəylə bağlı adamlardan ibarətdir. 20-dən artıq mütəxəssisi əhatə edən bu anlaşılmaz və müəmmalı ölümlərin hər biri müxtəlif  illərin "24 iyun”unda baş verib.

 

Tanınmış alman bəstəkarı Rixard Vaqnerin həyatında 13 rəqəmi hakimlik edibmiş. Onun ismi 13 hərfdən (latınca) ibarətdi.

O, 1813-cü ildə dünyaya gəlib və doğum ilinin numerloji rəqəmi də (1813=1+8+1+3) məhz 13-dür.

R.Vaqnerin kapelmeyster xidmətinə başladığı Riqa teatrı 13 avqust 1837-ci ildə açılıb. Vaqnerin Bayret teatrının açılışı da avqustun 13-də baş tutub.. Bəstəkar həyatı boyu cəmi  13 opera yazıb.

Onlardan ən məşhuru olan "Taygenzer” operasını isə 13 aprel 1845-ci ildə başa çatdırıb. Sözü gedən opera Fransa paytaxtında 13 mart 1861-ci ildə uğursuzluqla nümayiş etdirilib. Lakin bu tamaşa Paris səhnəsində növbəti dəfə - 13 may 1865-ci ildə çox böyük müvəffəqiyyət qazanıb.

Rixard Vaqner 13 il mühacirətdə yaşayıb və fevralın 13-də vəfat edib. Onun ölüm ili alman birliyinin  13-cü ilinə təsadüf edir.

 

26 rəqəmi dahi rus şairi Aleksandr Puşkin üçün doğulduğu gündən məşum rəqəm olub. Bildiyiniz kimi o, 1799- cu ilin 26 mayında (köhnə təqvimlə) dünyaya gəlib. Vaqner kimi onun da doğum ilini hesabladıqda (1799=1+7+9+9) 26 rəqəmi alınır. 

İstənilən ayın 26-da Puşkin bütün işləri təxirə salıb və ya uğursuzluğa düçar olub. Bu səbəbdən də o, öz gündəliyində (görəcəyi işlər və plan gündəliyində) – red) bir qayda olaraq yazırmış: "Non fas” (tərcüməsi: "eləmə” ) və yaxud "Non fatum” (tərcüməsi "qismət deyil”). 26 rəqəmini nəhs hesab edən şair hansısa uğursuzluğa düçar olanda öz doğum gününü yada salıb deyərmiş: "Nə etməli? Bütün bunlar mənim alnıma yazılıb. Nəhs gündə doğulmuşam!”. 

A.Puşkin 26 yanvar 1836-cı ildə ilk dəfə gündəliyində öz gələcək qatilinin – baron Jorj Dantesin adını yazıb.

26 noyabr 1863 - cü ildə şairin dul xanımı Natalya Nikolayevna Puşkin - Lanskaya vəfat edib.

Sonradan məlum olduğu kimi Puşkin ailəsinə bədbəxtlik gətirən tarixlər çox olub. Onlar bunu bilmədiklərindən özlərini qorumaq iqtidarındda deyilmişlər. Natali avqustun 27-də (1812-ci ildə) doğulmuşdu. 27 yanvar 1837- ci ildə onun həyat yoldaşı ölümcül yaralanır. Natalya Nikolayevna 26 noyabr, 1863 – cü ildə vəfat etmişdir. Rəqəmlərin cəmi 26 olur. Görünür, Puşkinin taleyi ona yalnız bu qədər yaşamağa "icazə” verib. 

 

Bəzən "0” rəqəminə əhəmiyyətsiz yanaşırıq. Amma əslində təklikdə heçliyi bildirən bu rəqəm tarix boyu çoxsaylı və xoşagəlməz hadisələr "törədib”. Odur ki, gəlin, birlikdə tarixə nəzər salaq.

İlk öncə IV İvan Qroznının (1530-1584) doğum ilini (1-5-3-0) təşkil edən qeyri adi əlaqəsinə baxaq: 

1 - ilk qar:

5 - ən hakimiyyət;

3 - hakimiyyət qüvvəsi (müqəddəs üçlük):

0 - hər şeyin itirilməsi 

9 rəqəmi (1+5+3+0=9). 6 rəqəmi kimi açıq rəqəmdir. Çar çox qəddar idi. Novqorod arxiyepiskopu Leonidi ayı dərisinin içinə tikməyi və itlərin qabağına atmağı əmr edir. Onun əmri ilə diri adamların dərisi soyulur, paya üstündə otuzdurulur, ağızlarına qurğuşun tökülürdü. O, hətta öz doğma oğlunu da öldürmüşdü.

 Kənardan görüntüdə insanın hər şeyi var: yaşa, Allaha şükr elə, sevin, özgələrini də sevindir. Lakin bəd taleli "0” (boşluq işarəsi) ətrafında olan hər şeyi dağıdır, hər şeyi hökmdarın əli ilə məhv edir. Bəs son nəticə nə olur? Fitnəkr rəqəmləri olan, sıfırda doğulan çar hər şeyi erkən vəfatı ilə itirir. Onun həyatının finalı məhz əzablı ölüm olur. 

IV İvan Antonoviç (1740-1764) Rusiya imperatoru, dahi knyaz qızı Anna Leopoldovanın oğlu, I Pyotrun nəticəsi.

İki aylığında İvan Antonoviç imperator elan olunur. Körpənin yerinə Biron və Anna Leopoldovna hökmranlıq edir, 1741- ci ildə isə Yelizaveta Petrovna I Pyotrun qızı Anna Leopoldovnanı həbs edir. Sonralar körpə də həbs olunur və uzun illər həbsdə yaşayır. Diqqət edin: 5 rəqəmi "əl” – "hakimiyyət” deməkdir.