Britaniya yazıçısı, feminizmin ədəbi anası sayılan Virciniya Vulfun həyatından bəhs edən film yazıçının mənəvi və fiziki əzablarını göstərə bilib. Vircinia ölümcül təhlükəli yaradıcılıq böhranı yaşayır. Və həmin ərəfədə "Mrs. Dallovey” əsərini yazır. Təxminən otuz il sonra onun romanını depressiyaya düşmüş amerikalı evdar bir qadın Laura oxuyur. Bizim əsrdə isə Nyu-York redaktoru Klarissa QİÇS-dən ölən keçmiş sevgilisinin dərdini çəkir. 

İstedadlı aktrisalar Meryl Streep, Culianne Moore və Nikol Kidman bu təsirli və mürəkkəb hekayəni ustalıqla canlandırıblar. Nikol tarixi prototipinə - Virciniya Vulfa bənzəmək üçün rol naminə çox dəyişdirilib. Nəticədə, plastik makiyaj sayəsində sənətçini ekranda tanımaq kifayət qədər çətinləşib.

Meksikalı gənc Frida Kahlo dəhşətli avtomobil qəzasına düşür. Bundan sonra qız üçün sonsuz ağrı və iztirablarla dolu tamam başqa bir həyat başlayır. Buna baxmayaraq, emosional təcrübələr (o cümlədən ərinin xəyanətləri) onu rəssam olmağa ruhlandırır.

Frida rolunu oynayan Salma Hayekin səkkiz ilə yaxın ağlında bu filmin ideyası vardı. Məsələ burasındadır ki, rəssamın tərcümeyi-halı onu aktrisa olmağa ruhlandırıb, ona görə də rola çox ciddi yanaşıb. Layihədə Hayekin bir çox dostları - ssenarinin yenidən yazılmasında Antonio Banderas, Eşli Cadd və Edvard Nortonun köməyi olub.

 

ABŞ, 2005

bioqrafik dram.

Müddət: 126 dəqiqə.

Boşanmış tək ana Josie Ames mədəndə işə düzəlir, burada heç kim ondan məmnun deyil, çünki demək olar orada işləyənlərin hamısı kişilərdir. Təcavüz və təhqirlərlə üzləşən qadın özünü və bir neçə digər işçini qorumaq üçün məhkəməyə müraciət etmək qərarına gəlir.

Rejissoru Niki Karon olan filmin ssenarisi 1984-cü ildə Lois Jensen adlı qadının başına gələnlərdən  götürülüb. Onun obrazını ekranda canlandıran isə Charlize Therondur. Sənət ölçülərinə görə həqiqəti bir az bədiiləşdirmək lazım gəlib. Əslində reallıqda məhkəmə çəkişmələri 14 ilə qədər davam edib.

ABŞ, 2008.

bioqrafik dram.

Müddət: 141 dəqiqə.

Tək ana Kristin Kollinz itkin düşmüş oğlu barədə polisə şikayət edir. Bir müddət sonra uşaq tapılır, lakin Kristin tezliklə onun öz oğlu olmadığını anlayır. Yerli kilsənin keşişi qadına kömək etməyə çağırılır.

Rejissor Klint İstvud systemin insan həyatına laqeydliyini gözəl verib. Üstəlik, film 1928-ci ildə baş vermiş real hadisəyə əsaslanır. Burada ən yaxşı rollardan birini ifa edən Ancelina Colinin peşəkar aktyorluğunu izləməyə də dəyər. 

Almaniya, Lüksemburq, Fransa, İsrail, 2012.

bioqrafik dram.

Müddət: 113 dəqiqə.

"The New Yorker" qəzetinin müxbiri minlərlə yəhudini məhv etməkdə ittiham olunan əsir götürülən keçmiş SS adamı Eyxman haqqında silsilə məqalələr yazmaq üçün İsrailə səfər edir. Orada gördükləri nasizm haqqında ümumi qəbul edilmiş fikirlərini alt-üst edib düşündürür. 

Alman aktrisası və rejissoru Marqaret fon Trotta azad düşüncəli qadınlar haqqında çoxlu filmlər çəkib (Rozenştrasse, Roza Lüksemburq). Rejissor bu əsərində 20-ci əsrin ən görkəmli mütəfəkkirlərindən biri, taleyi dram və macəralarla dolu olan Hannah Arendtin üç illik həyatından bəhs edir.

Böyük Britaniya, 2015.

tarixi dram.

Müddət: 106 dəqiqə.

Yorğun bir həyat yoldaşı və ana olan Maud Watts özü də istəmədən qadın hüquqları uğrunda ictimai və siyasi hərəkatın bir hissəsinə çevrilir. Ancaq bu ona baha başa gəlir. 

Baş rollarda məşhur britaniyalı aktrisalar Keri Mulliqan və Helena Bonham Karter oynayır. Film real hadisələr əsasında çəkilib. Tarixi film hesab edilir. Məşhur sufrajistlər Emmeline Pankhurst obrazını Meril Strip canlandırıb. 19-cu əsrin sonlarında Böyük Britaniyanın ab-havası heyrətamiz şəkildə göstərilir. Ölkə yenidən qurulur, yaradıcılar isə tamaşaçıya o dövrün problemlərinin hələ də qismən canlı olduğunu xatırlatmağı unutmurlar.

İsveç, Danimarka, 2018.

bioqrafik dram.

Müddət: 123 dəqiqə.

Gənc və çevik Astrid Erickson yerli qəzetdə təcrübə keçir. Orada qızın baş redaktorla münasibəti başlayır, lakin bu münasibət onu ağır nəticələrlə təhdid edir.  

Filmin tamaşaçıları dünyanın əsas uşaq yazıçılarından birinin – Uzuncorab Pippinin yaradıcısı Astrid Lindqrenin həyat və yaradıcılığı haqqında öyrənəcəklər. Damda yaşayan Karlsonun, Lönneberqalı Emilin və bir çox başqa personajların yarandığı illəri izləyə biləcəklər. Film Astridin tərcümeyi-halı ilə yaradıcılığı arasında paralellər tapmağa və hamının sevdiyi nağıl dünyalarının necə yaradıldığını göstərməyə çalışır.