Nərminin 47 günlük iztirablı həyatı, ölüm səbəbi - aclıq, soyuq...

BURA / ORA SƏNƏT BİLİM / DİN SEVGİ EV / ÇÖL FEMİNİZM UŞAQ / BÖYÜK HÜQUQLARIMIZ QADIN / KİŞİ KİŞİ KİMİ GENDER SEKS HƏR ŞEY / HEÇ NƏ DƏB VƏ BAXIM YAZI / DÜŞÜNCƏ

REDAKTOR SEÇİMİ

Kişinin həyatında Əsas Qadın olur…

Sağlığında heç kimin tanımadığı İZABELLA

Depressiya... O nədir? - Rəşad Sultan

ÇOX OXUNANLAR

AYBAŞI TABUSU: BU QANIN İLAHİ VƏ MAGİK GÜCÜ - Alov yazır

Güney Azərbaycan dövləti qurulur

Alov Inanna - Bakirlə bakirənin toyu

MARAQLI

Barbara Daniels: Dünyaya gerçəkliyi sənətimlə göstərdim

Aysel Atəş: "Qadın sadəcə sevişmək üçün yaradılmayıb"!

Qadın onlar üçün sadəcə maşın rolunu ifadə edir

Biz kimik

Menyu

Yazarlar

Kitab

Bizə yazın

UŞAQ / BÖYÜK

Nərminin 47 günlük iztirablı həyatı, ölüm səbəbi - aclıq, soyuq... - İlqar Altay yazır Tarix : 17 İyun 2022, 15:34

Nərminin qətli-faciəsi barədə (2-ci yazı)

"Nərminin qatili kim ola bilər?" ötən araşdırma yazımızda azyaşlı Nərmin Quliyevanın qatilinin ümumi portretinin konturlarını açıb göstərdik. Nəzəri tərəfdən kimə uyğun gələr, ya gəlməz orasını bilmirəm lakin, keçirilmiş çoxsaylı ekspertizaları analiz edərək bu dəfə Nərminin oğurlanmasından meyitinin aşkar edilməsi, yəni 21 noyabr 2019 tarixdən 06 yanvar 2020 tarixədək olan dövrdə 47 gün müddətində keçirtdiyi əzablı həyatı təhlil edək. Yenə təsəvvür edərək ki, qatil hələ tapılmayıb.

10 yaşlı Nərmin, ya aldadılaraq, ya öz xoşu ilə, ya da zor tətbiq edilməklə oğurlanıb qapalı yerdə saxlanılıb. Bunu onun qəflətən yoxa çıxması və 47 gün gizlin, pis şəraitdə saxlanması göstərir.

Nərmin halsızlaşıb, huşsuz komatoz vəziyyətinə düşənədək ağzı (yəqin ki, qışqırıb səs salmasın deyə dəsmal ilə) bağlı halda oksigen çatışmazlığı halında və həmçinin uzun müddət hərəkətsiz, yatağa bağlı vəziyyətdə saxlanılıb. Bunu həm meyitin təşrih müayinəsi zamanı ağ ciyərlərində aşkar edilən atelektaz (ağ ciyər alveolalarının quru, sıradan çıxması) həm də pnevmoniya əlamətləri göstərir.

Nərmin uzun müddət soyuq şəraitdə, ən əvvəl az qidalı, sonradansa tam qidasız saxlanmışdır. Bunu meyitin müayinəsi zamanı ağ ciyərlərdə ocaqlı pnevmoniya, ürək əzələlərinin iltihabı, qara ciyər və miokardda çox zəif lipofussionoz və nutritivsizliyin (qida qəbulu olmadan) əlamətlərinin olması və mədə bağırsaqlar, sidik kisəsinin boş olması göstərir.

Daxili müayinə zamanı aydın olur ki, Nərminin daxili üzvləri uşaq yaşına uyğun, tam yetişməmiş kiçikdir. Anatomik parametrlər üzrə də düzgün yerləşir və hamısı yerində olmaqla zədəsizdir. Bunlarsa onu tam göstərir ki, "Orqan mafiyası"nın uşağı oğurlayaraq, onun orqanlarını kəsib götürməsi yanlış şaiyədir. Ümumiyyətlə, orqan götürülmə və köçürülmə xüsusi bir əməliyyatdır öz klinika və çıxarılmış orqanı saxlama şəraitini (ən azı kənd deyil, şəhər mühitində) tələb edir. Bunu edən imkanlı mafiya gətirib, uşağı geriyə kəndə atıb yandırmaz. Digər tərəfdən də, uşaqlarda daxili orqanlar yeni fəaliyyətə başladığı üçün uşaq orqanına ehtiyac nadir halda olur. Köçürülən orqansa böyüklərdən fərqli olaraq yaşa uyğun düz gəlməlidir. Bu versiya yanlışdır.

Nərminin meyitinin müayinəsi, daxili cinsiyyət üzvlərinin kiçik yaşa uyğun olaraq, tam inkişaf etməməsini, uşaqlığın boş olmasını, məhkəmə - bioloji laborator müayinədə, cinsi əlaqə kimi əlamətlərin olmamasını müəyyən edib. Bu isə, Nərminin "hamilə olması" versiyasını da inkar edir.

Nərminin başında: təpə, ənsə, gicgah və alına keçən nahiyyələrdə, başın dərisində kənarları qeyri-düz və əzik olan, 4-5 ədəd yaralar olub. Bu yaralar kənarı til ola bilən massiv küt alətlə (daş, ya ağac tərkibli alət, ya baltanın küpü, "kuvalda" və s.) törədilib. Zərbələr kəllə sümüklərini, baş beyin toxumalarını və orada həyati vacib sinir sistemi mərkəzlərini zədələyib ki, bu da beynin mədəciklərinə qansızma törədərək uşağın ölümünü qaçılmaz edib. İddia edilən kəsici və deşici yaralar olmaylb, olsa yaraların kənarları düz xətti olmalı idi. Və həm də, deşici yaralar "otvyorka", qayçı ilə, kəsici-deşici yara bıçaqla yetirilir, bu alətlərlə isə kəllə sümüklərini keçib daxili massiv əzintilər, zədələr törədilə bilməz.

Nərminin meyitindəki yanıqlar əsasən, aşağı ətrafı və gövdənin aşağı hissəsini əhatə edib. Bu da onu göstərir ki, qatil tezalışan yanacağı əsasən cəsədin aşağı hissəsinə töküb, oradan da alışdırıb və yanma aşağıdan-yuxarı doğru gedib. Və müayinədə meyitin nəfəs yollarında bronxlarda his, yanıq hissəcikləri tapılmayıb. Bu da onu göstərir ki, yanma zamanı Nərmin nəfəs almayıb, hisi içəri çəkməyib. Yəni, artıq ölmüş imiş. Və ekspertlərin ümumi müayinəsi göstərir ki, Nərmin meyit aşkar olunandan 1 ya 2 gün əvvəl, qətlə yetirilib, sonra yandırılıb.

Oğurlanaraq, 47 gün əzablı şəraitdə saxlanılıb öldürülüb yandırılan meyit Nərmin Quliyevaya məxsusdur. Bunu təyin edilmiş məhkəmə tibbi genetik ekspertizanın 28 fevral 2020-ci il tarixli rəyindən müəyyən etmək olur. Testə uğradılan meyit (NN) ilə İsmayılova Aynurə Rahib qızı və (MN) həm, Quliyev Şərif Qəşəm oğlunun (NF) arasında, bütün STR lokuslarda uyğunluq yəni arada qohumluq, övlad-valideyn əlaqələri var.

Əldə etdiyim, məhkəmədə açıqlanmış istintaq materiallarından bu, bəzilərinə əsasən, hələlik hansı nəticələrə gəlmək olar? Nərmin Quliyeva:

▪ Aldadılaraq oğurlanıb, uzaq olmayan yerdə qapalı mühitdə uşağa zor tətbiqi ilə saxlanılıb.

▪ Uzun müddət ağzı bağlı, nəfəs çatışmayan, hərəkətsiz və yatağa bağlı bir halda saxlanılıb.

▪ Uzun müddət soyuq şəraitdə, qismən üstü örtülərək az qidalı, sonradan qidasız saxlanılıb, yəni son 15 gün artıq qida qəbul edə bilməyib.

▪ Daxili orqanları azyaşlıya uyğun ölçülü, tam yerində və düzgün yerləşib, solğun, zədəsizdir. Orqan çıxarılıb satılma iddiası əsassız görünür.

▪ Daxili cinsiyyət üzvləri azyaşlılara uyğundur, uşaqlıq boşdur, hamiləlik keçirmə iddiası əsassızdır.

▪ Başında bir neçə küt alət (daş, ağac, balta küpü və ya dəsmala bükülmüş dəmirin) yarası var. Hansı ki, kəllə sümüklərini sındırıb, beyinin toxumalarını əzib, beyindaxili güclü qansızma verərək ölüm yaradıb. Kəsici, deşici yara deyil. Ölüm halı meyit tapılandan 2 gün əvvəl baş verib.

▪ Yanması ölümdən sonra, nəfəssiz baş verib, bədənin aşağı hissəsindən başlayıb, yandırılıb. Ola bilsin ki, bununla manyak-qatil qızın xarici cinsiyyət orqanları nahiyyəsi ətrafında törətdiyi mexaniki nişanə xəsarətlərin itirilməsinə çalışıb.

▪ Meyitin mənsub olduğu Nərmindir. Quliyev Şərifin və İsmayılova Aynurənin övladıdır. Bunu məhkəmə tibbi-genetik ekspertiza təsdiq edib.

Bu cinayətin ən dəhşətli, amansız tərəfi körpə qız uşağının qətlindən, yandırılmasından əvvəl baş verənlərdi, onun soyuq, nəfəssiz, qidasız, natəmiz, psixoloji qorxu-stress şəraitində həyatının son çöküş halına - ölüm ayağınadək 47 gün saxlanılıb, əzab verilməsidir. Qatil onu ilk gün öldürsə, bu zülmü yaşamazdı. 10 yaşlı qız uşağı üzərində bu müdhiş faciə, iztirabı törədən kimdirsə, çox amansız, qəddar insani hisslərsiz, aqressiv manyak, psixopatdır. Və ola bilməz ki, bu şəxs yaşadığı bu illərdə öz ifrat, psixoloji aqressiyasını bəzi hallar, anlarda göstərməsin. Yaxın qohum-ətrafı da görməsin, bu faciəni törətməyə qadir olduğunu bilməsin.

Nərmin faciəsi barədə ixtisaslı fikirlərim hələlik bu qədər. Gedişata baxıb, əlavə fikir bildirərəm.

P.S.: Qeyd edim ki, ixtisasca həm də ekspert olaraq (vaxtilə ekspertiza rəylərini yoxlama imkanı olan şəxs kimi) bu ekspertiza rəylərinin obyektiv və qanun ilə verildiyi qənaətindəyəm. Ən azı ona görə ki, ekspertiza rəylərində elə məqamlar var ki, istintaqın mövqeyini təmin etmir və ittiham tərəfinə uyğunsuz, qane etməyən hallar vardır.

Və onu da əlavə edim ki, bunlar keçirilmiş ekspertizaların yalnız Nərminin sağlığı, orqanizmi, həyatına və taleyinə aid olan faktları əhatə edən hissəsidir. Cinayətdə konkret təqsirli bilinən şəxs ilə əlaqəli bir çox ekspertizalar isə ayrıdır. Hələlik məhkəmə getdiyinə görə onlara toxunmadım.

Sonda bir daha qeyd edirəm ki, mən əldə olunan sənədlərə (məhkəmədə açıqlanan faktlara) əsasən, öz ixtisaslı qənaətimi bildirirəm. Və kənardan kimi isə günahlandırıb, ittiham etməyim yanlış olar. İstintaqın, faktların içində olsaydım, kim olur olsun, fərq etmədən bunu açıq deyərdim.