BURA / ORA
SƏNƏT
BİLİM / DİN
SEVGİ
EV / ÇÖL
FEMİNİZM
UŞAQ / BÖYÜK
HÜQUQLARIMIZ
QADIN / KİŞİ
KİŞİ KİMİ
GENDER
SEKS
HƏR ŞEY / HEÇ NƏ
DƏB VƏ BAXIM
YAZI / DÜŞÜNCƏ
REDAKTOR SEÇİMİ
ÇOX OXUNANLAR
YAZI / DÜŞÜNCƏ
KAMALƏ ABİYEVA - DEYİMLƏR
Tarix : 25 Dekabr 2019, 10:40 Yazar : Qadinkimi.com
* Həmişə həqiqəti çılpaq görmək istəmirsən. Eybəcər həqiqət daha ağrılıdır.
* Həmişə yalan qorxutmur – Həqiqət də qorxudur.
* Həqiqəti həmişə sevmirsən, yalanı da sevirsən.
* Elə həqiqət var yalan olmasını arzulayırsan.
* Həqiqət, ya yalan ikisini də inam yaşadır.İnanmasan ikisi də ölür.
* Yalan etiraf etmədiyimiz həqiqətdir.
* Sevinci an kimi yaşayırıq, kədəri illərə daşıyırıq.
* Kədəri heç kim axtarmır, hamı tapır. Sevinci hamı axtarır, hamı tapmır.
* Kədər xoşbəxt olduğumuz anların həqiqətidir.
* Xoşbəxt olmağa səbəblər axtarırıq,
bədbəxt olmağa bəhanə yetir.
*Alçalacaq qədər sevmə.
* Ən çox özünə verdiyin imtahandan pis qiymət alarsan.
* Əvvəlcə nə öyrənmək istədiyini öyrən.
* Qəzəb sağlam düşüncəyə düşən virusdur.
* Azadlıq hər istədiyini etmək deyil, nə istədiyini bilməkdi.
* Ağlını ürəyinə təslim etmə, ürəyini ağlına təslim et
* Yanındaykən unutmaq deyil, yanındaykən darıxmaqdı sevgi.
* Burax keçmişi, keçmiş gələcəyi öldürür
* Ürək adamın özün eşitmir, özgəni eşidərmi?..
* Ağıl adamın özünə yetmir, özgəsinə yetərmi?..
* Qayıtmaq istədiyin yerə getmə.
* Tanrı varlığını təsdiqləmək üçün bizi yaradıb.
*İnam güclü, inamsızlıq qorxaq, inamı itirmək şikəst edər.
KAMALƏ ABİYEVA
qadinkimi.com
