Orada suahili dilini öyrənib, hər gün ucsuz-bucaqsız Savanna çöllərində ayaqyalın qaçışır və macəra filmlərini xatırladan həyatı belə başlayır. Çılğın, eyni zamanda da gözəl bir qız idi.

Londona döndükləri zaman balet, teatr və ifaçılıq dərsləri alır. Çünki səhnələrdə olmağı arzu edirdi. Amma hələ 20 yaşında ikən aşiq olur və evlənir. Evləndiyi şəxs zəngindi və aralarında ciddi yaş fərqi var idi. Həyatı istədiyi kimi getmir və boşanırlar. Sonra bir başqasına aşiq olur, yenə evlənir, bu dəfə evləndiyi şəxs daha da zəngin idi. Əvvəlcə Nyu Yorka, sonra Cenevrəyə köçürlər. Möhtəşəm bir malikanədə yaşayır, hər gün əyləncə gecələrinə qatılır. Bütün bu zənginliklərə baxmayaraq, Afrika savannalarında ordan-bura qaçışan ruhu bu həyatı istəmirdi, yenə boşanır.

Kiçik bir yelkənli gəmi alıb Ağ dəniz səfərinə çıxır. 20 il sonra...

Adaları dolaşarkən Egey dənizini ovcunun içi kimi bilən təcrübəli bir kapitana çevrilir. 1975-ci ildə ömründə ilk dəfə Mərmərəyə gedir. Dalyanda İztuzu plyajına aşiq olur. Növbəti il yenə ora gedir. Ondan sonrakı il yenə gəlir... Qəribə idi, burdan ayrı qala bilmirdi.

1986-cı ildə 64 yaşında... Hər şeyi satıb, Dalyana köçür. 

İztuzu plyajında kiçik bir köşkdə yaşamağa başlayır. Günlərin bir günü oyanıb görür ki, ətrafı dəniz tısbağaları olan karettalarla doludur. Sən demə qaldığı bu yer karettalara məxsus imiş! Və övlad əvəzini ona tısbağalar verir o gündən.  

Təbiəti qoruma dərnəyi ilə əl-ələ verib hər kəsi ayağa qaldırır. ABŞ-da, İngiltərədə və İsveçrədə etiraz kapmaniyaları başladır. Nəticədə istəyinə çatır və Turqut Özal hökumətinə geri addım atdırmağa nail olur və otel layihəsi ləğv edilir.

İztuzu plyajı SİT sahəsi (insanlıq üçün tarixi dəyəri olan çevrə) elan edilir. Bir daha belə hadisələrlə qarşılaşmamaq üçün Dəniz Tısbağaları Qoruma Fondunu qurur. Fondun qurulması üçün lazım olan pulu isə öz cibindən verir. 

2009-cu ildə 87 yaşında Türkiyə vətəndaşlığı alır. 

Məmləkətindən minlərlə kilometr uzaqda türk torpaqlarını, təbiətini və florasını qorumağa çalışan bu gözəl qəlbli xanım təəsüf ki, üç gün öncə həyata gözlərini yumdu. 

 

Gülə-gülə, dəniz tısbağalarının anası! Türkiyə və dünya sizə çox şey borcludur... Hüzur içində uyu!