BURA / ORA
SƏNƏT
BİLİM / DİN
SEVGİ
EV / ÇÖL
FEMİNİZM
UŞAQ / BÖYÜK
HÜQUQLARIMIZ
QADIN / KİŞİ
KİŞİ KİMİ
GENDER
SEKS
HƏR ŞEY / HEÇ NƏ
DƏB VƏ BAXIM
YAZI / DÜŞÜNCƏ
REDAKTOR SEÇİMİ
ÇOX OXUNANLAR
QADIN / KİŞİ
Əvvəllər xoşbəxt olmadığımıza görə ayrılırdıqsa, indi daha da xoşbəxt olmaq üçün ayrılırıq.
Tarix : 18 Dekabr 2020, 08:57 Belçikalı psixiator və yazıçı Esther Perel uzun müddətdir ki, dünyanın bir çox yerində olan fərqli cütlüklərlə işləyir. Münasibətlər üzrə ekspert olaraq tanınan Perel’in üzərində işlədiyi əsas məsələlərdən biri də "xəyanətdir”. Perel çox tez-tez qarşılaşdığımız bu universal davanışın hələlik tam aydınlaşmadığını düşünür.
Xəyanət nədir?
Onun fikrincə xəyanətin ifadəsi daim dəyişir və buna görə də münasibətlərdə xəyanətin tam izahını vermək çətindir. "Seksual xarakterli mesajlaşmalar, porno izləmə, sosial şəbəkələrdə gizli-gizli aktiv olma və s. Ancaq Perel xəyanəti xarakterizə etmək üçün qeyd edir ki, gizli saxlanılan münasibət aldatmanın özəyini təşkil edir və müəyyən qədər emosionallıq və seksual bağlılıq deməkdir.
Modern zamanlar və "xoşbəxt olmağa layiqəm” ideologiyası…
Esther Perel, münasibətlərin növünü dəyişdirən bir dövrdə yaşadığımızı vurğulayır. "Heç bir zaman yoldan çıxarılmaya - xəyanətə bu qədər meyilli olmamışdıq. Yalnızca bu yeni arzulara sahib olduğumuz üçün deyil, istəklərimizin arxasınca gedə bilmə haqqımız olduğunu hiss etdiyimiz bir dövrdə yaşadığımız üçün olur. Əvvəllər xoşbəxt deyiləm" fikri, indisə "xoşbəxt olmağa layiqəm” ideologiyası.” Perel bu vəziyyətin günümüzdəki boşanmalarla bağlı çox şey söylədiyini qeyd edir. "Əvvəllər xoşbəxt olmadığımıza görə ayrılırdıqsa, indi daha da xoşbəxt olmaq üçün ayrılırıq. Aldadılmısansa və ya xoşbəxt deyilsənsə evli qalmağın bir utanc məsələsi olaraq qəbul edildiyi bir dövrdə yaşayırıq və əgər bütün bunlara baxmayaraq qalmağı və bağışlamağı seçərsənsə, böyük bir sosial təzyiqlə qarşı-qarşıya qalmış olacaqsan".
Xoşbəxt cütlüklər nəyə görə aldadır?
Xəyanətə dair bir çox yanlış fikirlər vardır ki, bunlardan biri də "Əgər xəyanət edirsənsə səndə və ya münasibətində doğru olmayan şeylər var”. Esther Perel isə: "Hətta yaxşı münasibətlərin belə sizə verə bilməyəcəyi şeylər vardır” – deyə, vurğulayır. "Düşündüyümüzün əksinə xəyanətlər adətən seksdən çox arzulara aiddir. Qayğıya duyulan arzu. Özəl hiss edilməyə duyulan arzu. Önəmli hiss edilməyə duyulan arzu. Xəyanətin strukturu- məşuq(ə)nuza heç vaxt sahib ola bilməyəcəyiniz gerçəyi daimi olaraq onu istəməyinizə səbəb olur və bu özbaşına, idarəsi mümkün olmayan bir arzulama mexanizmidir.”
Xəyanət "tragediyayla bərabər canlılığı geri gətirmə təşəbbüsü” olaraq da başa düşülə bilər. Yəni, insan partnyorunu çox sevə bilər ancaq canlı hiss etməyə qarşı duyulan ehtiyac bu sevginin qarşısına keçə bilər. Perel’ə görə xəyanətin arxasında adətən, ölüm və ölümlü olmaq dayanır. "Həyat bumu? Daha yaxşısı varmı? Bir 25 il boyunca hələ də belə yaşayacam? O duyğunu yenidən hiss edə biləcəm?” kimi suallar insanı "yaşadığını hiss etməyə” təşviq edər.
Perel’in söylədiyi maraqlı fikirlərdən biri də budur: "Arxamızı çevirdiyimiz həmişə partnyorumuz deyil, çevrildiyimiz şəxsin özüdür.” Yəni başqa bir partnyor axtardığımız zaman əslində başqa bir "özümüzü” axtarmış oluruq. "Bir aldatmanın mərkəzində adətən emosional bir bağlılığa, yeniliyə, azadlığa, seksual aclığa, itirdiyimiz parçalarımızı geri qazanmağa olan həsrəti tapmış olursunuz".
Arzu Elyazova
qadınkimi.com
