1. Bilir və bilir ki, o doğrudan da bilir, o alimdir- ona tabe olun.

2. Bilir və bilmir ki, həqiqətən də bilir, o yatmış adamdır- onu oyadın.

3. Bilmir və bilir ki, o həqiqətən bilmir, o yol itirəndir – ona yol göstərin.

4. Bilmir və bilmir ki, həqiqətən bilmir, o nadandır – ondan uzaqlaşın.

 

Dörd şey bədəni qüvvətləndirər:

ət yemək, ətriyyat iyləmək, çox çimmək, kətan paltar geymək.

 

Dörd şey səni dörd şeyə çatdırar:

 

səbr – istəyə, çalışmaq – mətləbə, pəhrizkarlıq – saflığa, qənaət – dövlətə.

 

 

Dörd adam dörd şeyi ilə tanınar:

yazar – yazısı, alim – cavabı, hikmət sahibi – işi, həlim adam – yumşaqlığı ilə.

 

Dörd şey gözəllik xəzinəsindəndir:

yoxsulluğunu, sədəqə verdiyini, dərdini, istəyini gizli saxlamaq.

Dörd şeydən qorxmayın – onlar dörd şey üçündür:

 

zökəm – cüzamdan, çiban – dəri xəstəliyindən, göz ağrısı – kor olmaqdan, bəlğəmli öskürək – iflicdən qoruyar.

 

Insanlar dörd sifətə malikdirlər:

Kəramətli - özü yeməz, xəlqə verər.

Səxavətli – özü də yeyər, xəlqə də verər.

Paxıl (xəsis) – özü yeyər, xəlqə verməz.

Ləim – nə özü yeyər, nə xəlqə verər.

Dörd nəfərlə dostluqdan çəkinin:

Axmaqla, yalançı ilə, paxılla, fitnəkarla.

 

Kişinin səadəti dörd şeydir:

Salihə əyalı ola, gözəl övladı ola, etibarlı dostu ola, öz vilayətində yaşaya.

 

Xoşbəxtlik əlaməti dörddür:

Keçən günahlara peşman olmaq,

Eyləyə bilmədiyi yaxşılıqlara təəssüflənmək,

Elm və ədəbdə özündəü yüksək olan adamlara baxmaq,

Var-dövlətdə özündən yoxsullara baxmaq.

 

Dörd şey ömrü artırar:

Bakirə qız ilə evlənmək, isti su ilə çimmək, sağ tərəfi üstə yatmaq, səhərlər alma yemək.

 

Dörd şey çox çətindir:

əsəbi halda günahkarı bağışlamaq,

az maldan səxavət göstərmək,

iffəti-isməti qorumaq,

qorxulu vəziyyətdə haqqı demək.

Dörd şeyin qədrini bil:

Cavanlığın, əmin-amanlığın, sağlamlığın, ölülərin.

 

Dörd şeyi yadda saxla:

 

ən böyük dövlət - əqildi

ən böyük yoxsulluq - axmaqlıqdı

ən böyük dəhşət - özünü bəyənməkdir

ən böyük ünsiyyət - gözəl rəftar, yaxşı xasiyyətdir.

 

Dörd şey dörd şeydən doymaz:

Yer - yağışdan, göz – baxmaqdan, yar – yardan, alim – elmdən.

 

Dörd şey insana şərəf gətirər:

Həqq işdə qəlbi qorumaq,

Süfrə başında boğazı qorumaq,

Başqasının evində gözlərini qorumaq,

Xalq arasında dilini qorumaq.

Dörd adamda dörd şey olmaz:

Yalançıda – mürüvvət, həsəd aparanda – rahatlıq, paxılda – səadət, yaramazda – ülviyyət.

 

Dörd şey dörd şeyi gətirər:

Sakit olmaq – rahatlıq, uzun danışmaq – rüsvayçılıq, səxavət – ucalıq, şükr etmək – bolluq.