- Çox sağ olun. Fəxri ad mənim fəxr etdiyim və mənimlə fəxr edilə biləcək  titul kimi dəyərlidir. Fəaliyyətimə verilən ali addır.

- Məndən asılı heç bir şey yoxdur gecikmək və ya tələsməklə bağlı. Bir də ki, gecikmək yaxşı vərdiş olmasa da, dəyərlərin zamanla, mühitlə  əlaqəli olduğundan, bu kimi addımlarda cəmiyyətin də münasibətini nəzərə alaraq tələsməyi də yaxşı hal hesab etmirəm.

 

- Təşəkkür edirəm - sənətə münasibətinizə görə. 

- Xəyal etdiklərim qazandığım uğurlardan çox - çox dolu...Mən arzu və məqsədlərimin çatdığı zirvələri əvvəlcədən içimdə görənlərdənəm. Yəqin  ki, bu günə qədər qazandıqlarım son deyil. Potensialıma görə hətta çox azdır. (gülür) 

 

- Bunu görənlərdən biri olduğunuza görə daha sevimlisiz. (gülür) 

- Cümhuriyyətin 100- cü ili mənə 100 ideya verdi. Həyata keçməsinə isə ömür yetməz. Bəziləri isə yavaş-yavaş reallaşır. Mən Azərbaycan torpağına və onu sevənlərə bağlıyam. Bunu yaradıcılığımın hər zərrəsində hayqırmasam da, pıçıldaya bilirəm. Yazdığım "Azərbaycanlar" sizə çoxdan məlum. Amma bu il ərsəyə gətirdiyim ilk Cümhuriyyət mövzusu İstiqlal marşı oldu. 2018- ci ilin 28 mayında yazdım. 10 gün sonra konsertimdə dinlədiz. 

- Yazdıqlarımın dərhal yayılmasına cəhd etməmək kimi bir xüsusiyyətim var. Ona görə əsəri heç yerdə hələ ki, tapmırsız. Çox sirli-sehrli bir torpaq bağlılığım var. 28 may günü müxtəlif illərdə musiqimə Azərbaycanı gətirir. Və bu dəfəki də həmin tarixdə mənə gələn 3-cü  Vətən mövzusudur. 

- Emin Abid Gültəkinin "İstiqlal"ından sonra bu mövzuda iki əsər də yazdım. Və hər 3 əsərin taleyi  uğurlu oldu. Belə ki, onlar da yarandıqları andan  çox yüksək səviyyəli, ciddi musiqi mühitində işıqlandılar. Haqqında danışdığım son iki əsərim Türk dünyasının çox qiymətli siması Əhməd Cavadın "Bismillah" və "Türk Ordusuna"sözlərinədir. Və mətbuatdan bildiyiniz kimi hər iki əsər Türkiyənin Cümhurbaşkanlığı Simfonik Orkestri tərəfindən  xalq artisti, maestro Yalçın Adıgözəlovun rəhbərliyi, TRT Böyük Xorunun və Orfeon xorunun ( xalq artisti Elnara Kərimovanın rəhbərliyi) iştiraki ilə böyük uğurla ifa olundu. Təqdimat konserti TRT-də idi. Bu əsərlərin ilk uğuru onların Üzeyir Hacıbəyov, Vasif Adıgözəlov, Emin Sabitoğlunun əsərləri ilə bir sırada yer alması idi. Mənə görə Cümhuriyyətin və Qafqaz İslam Ordusunun 100 illiyinə və Bakının işğaldan azad olunmasına həsr edilən  bu konsertin təntənəsi o qədər böyük və əzəmətli idi ki, sanki zaman ağır itgilərin günahını bu əsərlərlə yumaq istəyirdi.

Və mənə görə Cümhuriyyət ən ali məqsəd və arzular toplusudur. Siyasətçi deyiləm. Hər sahəyə bir balaca romantik baxışım olduğundan, mistikaya da inandığımdan düşünürəm ki, hər gözəl Azərbaycan mövzusuna Cümhuriyyət uğrunda savaşanların ruhları bayram edir. Cümhuriyyət tarixinin bir azərbaycanlı kimi mənim üçün nə qədər vacib olmasını Müəllif Gecəmi məhz 100 illiyə həsr etməyimlə bildirdim. Cümhuriyyət günü Xalq Artisti adına layiq görülməyim isə sanki mənim yaradıcı fəaliyyətimlə yanaşı Vətənimə olan sevgi hisslərimə bir hədiyyə oldu. Cümhuriyyətin 100 illiyi ilə bağlı yaradıcı fəaliyyətim bitməyib. 100 illiyə daha bir maraqlı hədiyyəmi bu ilin daha bir əlamətdar günündə təqdim edəcəyimi düşünürəm. Əvvəlcədən deyim ki, bu  musiqi ədəbiyyatımıza bir yazılı tövhədir və minlərlə sənətsevər insan bu hadisəyə çox sevinəcək.

 

- Buna mən də inanıram.

- Mən Bakını bütün illərdə, bütün əsrlərdə sevirəm. Bu sevginin siyasətə, müharibələrə dəxli yoxdu. Əzilməsini, əyilməsini, inciməsini heç bir vaxt arzulamadığım Bakıyla mənim bağlılığım bambaşqa. Mən ona sevgimi mahnılarımla və hər qarışına hörmətimlə, o isə mənə küləyi, qumlu sahili və "Xəzərə layla çalan ay işığıyla" bildirir. Məni sevir...                

- Bu, mənə veriləcək sual deyil, məncə. Yalnız özümə cavabdehəm.

- Mən bəstəkarları cinslərə ayırmıram.                                    

- Maraqlı suallara görə təşəkkür...